Gibarugan sa kampo ni kanhing House Speaker Lord Allan Velasco nga dili tinuod ang mga alegasyon sa nagpailang kanhing security aide nga si Rodulfo Gracioso Jr. nga siya naghatud o nag-deliver og bilyon-bilyong kantidad sa kwarta sa pamilyang Duterte.
Sa opisyal nga pamahayag sa spokesperson ni Velasco nga si Atty. Rowell Ilagan, iyang gibutyag nga himo-himo lamang kuno ang testimonya ni Gracioso aron atakehon ang iyang mga target.
Matud sa kampo ni Velasco, ang mga pahayag ni Gracioso dili kuno motakdo sa mga panghitabo nga mahimong mapamatud-an, lakip ang panahon sa COVID-19 pandemic, ang panahon sa pagserbisyo ni Velasco isip House Speaker ug uban pang mga detalye nga ilang giingong dili uyon sa iyang testimonya.
Una nang gikumpirma sa Philippine National Police o PNP nga gitangtang sa organisasyon si Gracioso niadtong Septiyembre 11, 2026, tungod sa tulo ka counts sa less grave misconduct ug conduct unbecoming of a police officer.
Samtang, wala usab dawata sa kampo ni Velasco ang mga alegasyon nga naglangkit kaniya sa giingong paghatod og kuwarta sa pamilyang Duterte.
Sa pagkakaron, nagpabilin nga magkalahi ang mga pahayag sa kampo ni Velasco ug sa mga alegasyon nga gipasaka ni Gracioso, samtang nagpadayon ang pagtan-aw sa mga awtoridad sa mga isyung may kalabotan sa maong mga pahayag.
