DAVAO CITY – Mokapin sa tres mil ka mga pamilya o kapin singko mil ka mga indibiduwal ang apektado sa pagbaha ug landslide sa probenbsiya sa Davao de Oro gumikan sa walay hunong nga mga pag-ulan sulod na sa pipila ka mga adlaw.
Hinuon, gikanayon ni Joseph Randy Loi, head sa Provincial Disaster Risk Reduction management Office (PDRRM) Davao de oro nga aduna nay pipila ka mgma pamilya ang mibalik na usab sa ilang mga pinoy-anan gumikan kay inanay nang mikanaug ang tubag baha sa pipila ka mga dapit sa ilang probensiya.
Samtang gikumpirma usab ni Engr. Allen Baco, ang LDRRMO 4 nga moabot sa pito ka mga munisipyo sa Davao de oro ang nakatala ug landslide nga gilangkuban sa Montevista, Maragusan, New bataan, Mawab, Nabunturan, Monkayo, ug Maco.
Labing daghang mga barangay nga naapektuhan ang sakop sa munisipyo sa Monkayo nga moabot sa Unsi, samtang tag-usa lamang ka barangay usab sa lain pang 6 ka mga munisipyo.
Sa pikas bahin, gikumpirma usab sa nahisgutang mga opisyal nga usa sa duha nga na-unang gika-report nga missing gumikan sa pagbaha ang nakaplagan na nga buhi nga giilang si Samuel Basañez, samtang ang usa ang nagpabililn pang gipangita hangtud karong panahona.
Dugang pa ni Mr Loi nga 24/7 ang ilang monitoring sa mga landslide ug floor phone areas.
Sa karon, gibutyag ni Mr. Loi nga ginahulat pa nila ang final result sa assessment sa damyos aron ilakip kini sa idusong resolution nga gisubmite kagahapon sa PDRRMC ngadto sa isubmiter usab ngadto sa Sangguniang Panlalawigan alang sa pag-deklara nga ipa-ilalom sa state of calamity ang mga apektadong dapit.
