Gikondena sa Estados Unidos ang paghilabot sa China sa humanitarian rotation and resupply o RoRe mission sa Pilipinas ngadto sa Ayungin Shoal niadtong Septiyembre 24, 2026.
Gihulagway ni US Ambassador to the Philippines Lee Lipton nga delikado ug iresponsable ang mga maniobra sa China Coast Guard o CCG ug People’s Liberation Army Navy o PLAN nga hapit nang mosangpot sa banggaan ug nakapugong sa routine resupply mission.
Gisuportahan ni Lipton ang mga kaalyadong Pilipino ug gidayeg ang ilang professionalism ug pagpugong sa tensiyon atol sa insidente.
Gihangyo usab ni Lipton ang CCG ug PLAN nga undangan ang escalatory tactics nga mahimong makahatag og hulga sa freedom of navigation ug sa usa ka free and open Indo-Pacific.
Gikumpirma sa Armed Forces of the Philippines o AFP nga walo ka Chinese warships ug coast guard vessels ang nanghilabot sa misyon nga gitumong sa paghatod og importanteng suplay ug pag-ilis sa mga personnel nga nagbantay sa BRP Sierra Madre.
Gibantayan ug gihasol sa Chinese vessels ang M/V Lapu-Lapu ug tulo ka Philippine Navy ug Coast Guard support vessels samtang anaa kini sa gibana-banang 60 nautical miles gikan sa Ayungin Shoal.
Gipahunong sa Philippine Coast Guard ang RoRe mission alas-11:08 sa gabii tungod sa safety concerns sa mga personnel.
Gipasiugda sa NTF-WPS nga magpadayon ang Pilipinas sa lawful operations sa West Philippine Sea subay sa international law ug 2016 arbitral award.
