Posibleng mosaka sa ₱30 kada kilo ang buying price sa limpyo ug uga nga palay kon moigo ang nasud sa severe El Niño, sumala sa National Food Authority.
Matud ni NFA Administrator Larry Lacson, gikan sa kasamtangang ₱27 kada kilo, mahimong mosaka pa ang presyo tungod sa posibleng pagkunhod sa suplay sa humay.
Gilauman usab nga magkompetensya ang mga miller sa pagpalit sa limitado nga stocks, nga mahimong mosangpot sa pagsaka sa presyo sa humay sa merkado.
Sumala ni Lacson, hangtod ₱30 kada kilo ang presyo nga gitugotan sa NFA alang sa ilang pagpalit niini.
Kinahanglan usab nga makigkompetensya ang ahensya sa presyo aron makatigom og igo nga suplay nga mahimong magamit sa panahon sa panginahanglan.
Bisan pa sa posibleng epekto sa El Niño, naglaum ang NFA nga dili mahimong grabe ang epekto niini sa suplay sa ug sa produksiyon sa mga mag-uuma.
Samtang, padayon nga gitan-aw sa ahensya ang kahimtang sa supply aron maandam ang mga lakang kon mosamot ang epekto sa gilaumang severe El Niño.
