Gibrugan ni Mary Jane Veloso nga wala siya makahimo og drug trafficking sa Indonesia human siya maaresto kaniadtong 2010.
Atol sa press conference alang sa iyang kagawasan kaniadtong Biyernes,Septyembre 26, 2026 nagpasalamat si Veloso kang President Ferdinand “Bongbong” Marcos Jr. human siya hatagan og absolute pardon.
Hapit duha ka tuig usab nga nagsilbi si Veloso sa nahibiling sentensya sa Correctional Institution for Women sa Pilipinas sa wala pa siya napasailalom sa pardon.
Matud ni Veloso, dugay na niyang gipatin-aw nga wala siya kahibalo nga adunay iligal nga droga sulod sa iyang bagahe sa dihang nadakpan siya sa Indonesia.
Kaniadtong 2015, human mosurender sa Pilipinas ang giingong illegal recruiter ni Veloso, mihangyo si kanhi Presidente Benigno Aquino III sa gobyerno sa Indonesia nga dili ipadayon ang iyang execution.
Si Veloso nasentensiyahan og kamatayon human makonbik sa drug trafficking case sa Indonesia. Sa iyang dugay nang depensa, iyang giingon nga nalimbongan siya sa saad nga trabaho ug wala siya kahibalo sa sulod sa bagahe nga iyang gidala.
