DAVAO CITY – Hingpit nang milingkod sa iyang katungdanan karong adlawa ang bag-ong director sa Police regional office 11 nga si PBGen Benjamin Silo Jr.
Kaganinang buntag gipahigayon ang turn over of command ceremony tali kanila Silo ug kang outgoing PRO 11 regional director PBGen Filmore Escobal.
Ang nahisgutang seremonya ang gisaksihan ni PLTGen Rhodel Sermonia isip guest of honor ug speaker nga gipahigayon sa PRO 11 Pulis Bagani Hall sa Camp Sgt Quintin M Merecido sa Buhangin dakbayan sa dabaw.
Gikabutyag nga si Escobal ang ibalhin sa Area Police Command- Eastern Mindanao (APC-EM) isip acting deputy chief hulip kang Maj. Gen. Joseph Ulysses Gohel nga nabalhin sa APC- Southern Luzon.
Sa iyang mensahe, gipasalig ni General Silo nga ipadayon ang mga nasugdang programa ni Escobal, ug mopatuman usab ug dugang pang mga kalambuan sa kapulisan sa rehiyon.
Nasayran nga si Silo ang gikan sa Philippine National Police (PNP)- Information Technology Management Service (ITMS).
Na-una nang gikanayon ni Maj. Eudisan Gultiano, PRO XI spokesperson, nga ang paglahugay ang resulta sa pagretiro sa pippila ka mga PNP senior officers gikan sa service. Nagsilbi si Escobal sa PRO 11 sulod sa kapin 2 ka tuig sukad niadtong October 2019.
Atol sa iyang termimo, daghang mga accomplishments ang nahimo ni Escobal sama na lamang sa katukuran sa Mindanao Police Training Camp, ug sa Camp Sgt. Quintin Mericido Hospital, Regional Integrated Command Center.
Samtang, si SIlao ang nagsilbi usab kaniadto isip chief of police sa Orion, Abucay, Mariveles, ug Balanga City. Nahimo usab kining isip chief for the investigation sa Criminal Investigation and Detection Group (CIDG) sa Camp Crame gikan 2012 – 2014.
