DAVAO CITY – Nagpagawas kagahapong adlawa ug Executive Order No. 31 Series Of 2021 ang lokal nga kagamhanan pinaagi ni Davao City Mayor Inday Sara Duterte-Carpio diin sakop sa maong kamandoan ang tanan ng mga Barangay, Local And National Government Office Events kalakip na ang Government-Owned And Controlled Corporation Events.
Tungod sa padayon nga pagsaka sa kaso sa covid-19 sa siyudad, hugtanon sab karon nga gidili karon ang tanan nga mga face-to-face non-essential events sama na lamang sa inauguration, anniversary, thanksgiving, ribbon-cutting, blessing, turnover, groundbreaking activity, launching program, salo-salo, birthday, press conference, oath taking program, photo opportunity, retirement honors, welcome honors, testimonial program, summer outing ug tanan nga susamang mga aktibidad.
Tugtan lamang sumala pa ang nahisgutan nga mga aktibidad pinaagi sa online platforms. Suspendido na sab ang tanan nga mga face-to-face non-emergency essential government activities sama na lamang sa trainings ug seminars hangtud Agosto 31, 2021 apan tugtan kini pinaagi sa online platforms.
Samtang tugtan sab ang mga disaster ug emergency activities kalakip na ang distribution sa financial, food ug non-food items samtang ang dili related sa mga disaster o emergency event kinahanglan nga magpahigayon lamang ug contactless delivery aron nga malikayan ang mass gathering sama sa paghatag ug livelihood kits, information materials, distribution sa government aid, community pantry, food aid ug tanan nga mga susamang aktibidad.
Ang mga mosupak sumala pa sa nahisgutan nga kamandoan, mamahimong mag-atubang ug multa sa ordinansa sa siyudad.
