Napungot si Presiding Officer Chiz Escudero sa assisting counsel sa Prosecution human wala dayon mahatag ang kopya sa dokumentong gigamit ni House prosecutor Rep. Lordan Suan sa pagpangutana sa witness nga si insurance firm executive Malu Salanguit.
Atol sa ika-35 nga adlaw sa impeachment trial, gipangutana ni Escudero nganong wala’y kopya sa maong dokumento ang assisting counsel samtang gigamit na kini ni Suan atubangan sa witness.
Gidasig ni Escudero si Suan nga gamiton na lamang ang iyang kaugalingong kopya ug ipakita kini sa witness kung dili dayon makita sa assisting counsel ang dokumento.
Pasiugda sa Presiding Officer nga kinahanglan andam daan ang assisting counsel sa mga dokumentong gamiton sa prosecution atol sa pagpresentar sa ilang mga ebidensya.
Kaniadtong nahitabo ang maong insidente, kapin walo na ka oras ang milabay sukad nagsugod ang impeachment proceedings.
Miabot sa siyam ka oras ug 25 minutos ang kinatibuk-ang sesyon kaniadtong Oktubre 7,2026 nga nahimong pinakataas nga impeachment trial session batok kang Vice President Sara Duterte.
