Nagpasidaan ang Office of the Ombudsman sa mga opisyal sa gobyerno batok sa paggamit sa gas allocation nga gitagana alang sa mga sakyanan sa gobyerno sa ilang personal nga mga sakyanan.
Sumala kang Ombudsman Jesus “Boying” Remulla, makadaot sa imahe sa gobyerno ang maong mga binuhatan ug dili kini pasagdan sa iyang ahensya.
Lakip sa mga binuhatan nga mahimong atubangon og aksyon ang pag-siphon o pagkuha sa gasolina gikan sa mga sakyanan sa gobyerno, pagpakarga og gasolina sa mga sakyanan nga dili gipanag-iya sa gobyerno, ug pagpeke sa mga resibo.
Ang mga opisyal nga mapamatud-ang nakahimo sa maong mga kalapasan mahimong mag-atubang og bug-at nga silot subay sa balaod.
Gipahayag ni Remulla ang pasidaan human sa pagpapha sa katungdanan ni Bohol Provincial Board Member Vierna Mae Boniel-Maglasang tungod sa 2 counts of serious dishonesty.
