Nagpalupad og labing menos usa ka ballistic missile ang North Korea padulong sa East Sea karung Sabado sa buntag, Oktubre 3, 2026, sumala sa Joint Chiefs of Staff o JCS sa South Korea.
Gikan ang missile sa Wonsan area sa sidlakang bahin sa North Korea, ug nakita kini sa South Korean military pasado alas-6:30 sa buntag. Padayon pang gisusi sa mga otoridad ang eksaktong klase ug range sa missile.
Gipalig-on usab sa South Korean military ang ilang surveillance ug readiness tungod sa posibilidad sa dugang nga missile launch, samtang nakigtambayayong sila sa United States ug Japan sa pagmonitor sa kahimtang. Nagpagawas usab og emergency alert ang Japan.
Ang maong paglupad sa missile hinungdan sa nagkataas nga tensyon tali sa North ug South Korea human sa landmine blast sa Demilitarized Zone nga nakapasamad sa tulo ka South Korean soldiers.
Kahinumdoman nga nanawagan ang South Korea sa ang North Korea nga mangayo og pasaylo kanila ug hunongon na ang agresyon niini sa border, apan gisalikway kini Kim Yo Jong, igsuon ni North Korean leader Kim Jong Un.
Sa kasamtangan, padayon nga gibantayan sa South Korean military ang kalihokan sa North Korea samtang gisusi pa ang dugang nga detalye sa maong missile launch.
