DAVAO CITY – Mas gipakusgan pa sa Department of Environment and Natural Resources (DENR) XI ang mga lakang alang sa pagprotekta sa mga baybayon sa Davao Oriental.
Kini subay sa nagpadayon nga paglambo sa nagkadaiyang industriya hilabi na ang turismo sa Davao Region.
Kahinumduman nga una ng gipirmahan ang Memorandom of Agreement (MOA) karon lamang bulana tali sa DENR XI ug Provincial Government sa Davao Oriental.
Subay sa datus nga gipagula sa gobyerno sa nahisgutang probinsya, gibansagan ang Davao Oriental isip “Gateway to Pacific” diin aduna kini 513.2 kilometers coastline; 4,500 square kilometers territorial waters; 340 hectares coral reef areas ug 1,320 hectares nga mangrove areas.
Sumala sa pamahayag ni Gov. Nelson Dayanghirang, mas gipakusgan pa nila ang ilang mga lakang alang sa pagprotekta sa mga baybayon diin usa nga makapahimulos niini ang mga musunod nga henerasyon.
Dugang niya nga kung unsa matud pa ang anaa sa probinsya karon, kinahanglan nga i-reserba kini.
Gibutyag sab ni Dayanghirang nga sa Davao Oriental sab ipatuman ang foreshore development management plan alang sa tibuok Davao Region.
Kalabot niini, gitataw sab ni DENR XI Regional Executive Director Bagani Fidel Evasco nga ang tumong sa kasabutan nga mapatuman na ang foreshore development management plan diin laraw nga ipatuman gilayon kini gumikan nahimo nang malampuson ang kasabutan tali sa duruha.
