DAVAO CITY – Mipahimangno si Davao City Planning and Development Office (CPDO) head Ivan Cortez sa mga dabawenyos nga dili mupalit og barato nga mga yuta sa siyudad aron nga dili mabutang sa alanganin ang ilang sitwasyon sa umaabot nga panahon.
Tipik lamang ang pahayag sa opisyal human namatikdan sa lokal nga panggamhanan nga naghitak ang pagpamaligya ug mga raw lots sa social media.
Gikanayon sab sa nahisgutan nga wala sumala pa kini ginatugot sanglit ang mga nanag-iya sa luna nga namaligya sa ilang propedad ang wala sumala pay “subdivision plans” nga gi-aprubahan sa Housing and Land Use Regulatory Board (HLURB) ug kinahanglan nga ipa-rehistro una ang land titles ilalom sa ilang pangalan.
Gani illegal sumala pa ang pagpamaligya og “agricultural areas” package isip “raw lots” alang sa planong pagtukod og mga panimalay.
Tungod niini, nanawagan ang opisyal sa publiko nga likayan ang mga sellers sa raw lots ug i-report gilayon kini ngadto sa otoridad.
Ayha sumala pa mopalit og residential lots, kinahanglan nga i-check ang lisensiya sa nanag-iya niini kung aprubado ba sa HLURB.
