Nanawagan ang pipila ka progresibong grupo og “Yes to BSKE 2026” atol sa ilang pagprotesta sa gawas sa EDSA Shrine kagahapong adlawa, Septyembre 20, 2026.
Gipahayag sa mga grupo ang ilang pagsupak sa plano nga ipahunong o ipagpalangan ang Barangay ug Sangguniang Kabataan Elections nga gitakdang ipahigayon karong tuiga.Hangyo nila nga ipadayon ang eleksyon sumala sa kasamtangang iskedyul, ilabina human nakahimo na og mga pagpangandam alang sa maong botohan.
Sumala sa mga nagprotesta, kabahin sa ilang panawagan ang paghatag og kahigayonan sa mga botante nga makapili sa ilang mga lider sa barangay ug kabatan-onan.
Nagtapok ang mga partisipante sa palibot sa EDSA Shrine alang sa maong kalihukan samtang nagpadayon ang diskusyon sa postponement sa 2026 BSKE.
Gipahayag usab sa ubang sektor ang ilang kabalaka nga ang laing paglangan sa eleksyon mahimong makaapekto sa pag-ilis sa mga lider sa barangay ug Sangguniang Kabataan.
Samtang, adunay mga magbabalaod nga misupak sa postponement sa BSKE ug mipasiugda sa kahinungdanon sa pagpadayon sa maong lokal nga eleksyon isip kabahin sa demokratikong proseso.
Padayon karun ang diskusyon kabahin sa iskedyul sa BSKE 2026 samtang gihulat ang sunod nga lakang sa Kongreso ug sa mga adunay kalabotang ahensya.
