DAVAO CITY – Girumbo na kagahapong adlawa sa mga sakop sa Tropical Diseases and Control Unit ilalom sa City Health Office (CHO) ang palengke sa Bankerohan ning siyudad kini aron ipailalom kini sa misting o disinfection aron masiguro nga dili makasulod sa dakbayan ang Corona Virus disease.
Sumala pa kang Elizabeth Banzon, head TDCU, kinahanglan gayud nga mapailalom sa misting operation ang bankerohan gumikan kay usa kini sa mga sagad nga dagsaon sa mga konsumante.
Gitambagan ni Banzon ang mga nag-puwesto sa palengke ingon man sa mga konsumante nga likayan ang pagpanigarilyo sa sulod ug kung mamahimong magdala ug kaugalingon nga alcohol aron masiguro nga dili matakdan sa virus.
Samtang sunod nga bisitahon sa mga personahe sa CHO mao ang palengke sa Toril ug Bunawan ug uban pang public market sa dakbayan.
