DAVAO CITY – Balhug karon sa presohan ang usa ka driver ug motorsiklo atol sa gipahigayon nga check point sa tagum PNP human nga nakuhaan kini og dako nga kantidad sa illegal nga droga.
Una ng milatas sa checkpoint pasado alas 12 sa kadlawon sa New Visayan Tagum City ang suspek duol sa tulonghaan.
Naila ang nahisgutan nga si Jerome Garcia Ibale, 49 anyos, ulitawo ug walay trabaho ug residente sa Prk 1 Poblacion Compostela Davao Oro.
Dihang gipahunong sumala pa ang nahisgutan, kalit na lamang kini nga misimang ug nagpasutoy sa pagpadagan sa iyang motor hinungdan nga gigukod kini sa kapulisan ug naapsan.
Sa dihang gipanghiling ang iyang motor, narekober sa kapulisan ang duha mga medium size nga pakete sa shabu nga dunay street valuenga mukabat sa P200,000.
Lakip sab sa nakuha ang timbangan sa iligal nga druga.
Sa kasamtangan, gipaslak na sa presohan ang nahisgutan ug giduso na ang kasong kalapasan sa RA 9165 samtang gikustudiya kini karon sa Tagum Police Station ingon man ang motorsiklo nga maoy gigamit niini sa iligal nga transaksyon.
