Luwas nang nakabalik sa Pilipinas ang 17 ka Pilipinong marino nga nalambigit sa managlahing insidente sa Strait of Hormuz, sumala sa Department of Migrant Workers o DMW.
Apil sa mga nakauli ang 16 ka tripulante sa barkong M/V Kazima III ug usa ka tripulante sa M/V Sinbad. Miabot sila sa Ninoy Aquino International Airport Terminal 3 kaniadtong Biyernes, Oktubre 9,2026 sakay sa managlahing flight sa Emirates ug Etihad Airways.Sumala sa DMW, naguba ang duha ka barko human matamaan sa mga wala pa mailhing projectile samtang naglawig sa maong katubigan.
Samtang, gimandoan sa DMW ug Overseas Workers Welfare Administration o OWWA ang mga may kalabotang manning agency nga siguruhong mahatagan ang mga marino sa gikinahanglang pisikal ug mental nga eksaminasyon.
Gipahinumdoman usab ang mga ahensiya nga siguruhong mahatag ang angay nga mga benepisyo ug kompensasyon alang sa mga Pilipinong marino nga naapektuhan sa insidente.
