DAVAO CITY – Misaka sumala pa ang investments sa dakbayan sa Davao ug 2.2 percent sa tuig 2019 diin nakatampo ug dako niini ang services sector.
Subay sa datus gikan sa Davao City Investment Promotion Center (DCIPC), kinatibuk-ang P286 billion nga kantidad sa investments ang gi-invest sa siyudad sa tuig 2019 nga mas taas sa P279 billion sa 2018.
Sumala pa kang DCIPC investors assistance and servicing unit head Christian Cambaya, pipila sa mga proyekto sa Davao City mao ang mga property developments sama sa condominium projects.
Gitataw sab sa nahisgutan nga adunay tulo ka mga kompanya nga naghulat na lamang ug pag-apruba sa ilang incentives diin laoman nga ipagula kini karong bulan sa Marso.
Usa sa mga agribusiness projects ang gilangkuban sa manufacturing plastic packaging sa saging nga pang-export samtang ang usa alang sa dressed chicken ug poultry farm.
Samtang laing lima ka mga negosyo pa ang nag-apply ug incentives apan wala pa kini na e-evaluate sa kasamtangan.
Una na sab nga gibutyag sa DCIPC nga adunay 41,296 ka mga registered business establishments sa kasamtangan dinhi sa siyudad.
Sa nahisgutan nga ihap, 86 porsyento o 35,400 businesses ang nag-renew sa ilang business registration samtang 14 percent o 5,896 percent ang mga bag-ong negosyo.
