Gikumpirma sa tigpamaba ni Senador-Judge Loren Legarda nga gusto na kining makabalik sa Pilipinas sa labing dali nga panahon, apan wala pa’y siguradong petsa sa iyang pag-uli gikan sa France.
Sumala ni Atty. Tony La Viña nga nakadepende ang pagbalik sa senadora sa iyang medical treatment. Samtang nagpadayon usab ang pagsubay ni Legarda sa impeachment proceedings batok kang Vice President Sara Duterte.
Mibiya sa nasod ang opisyal kaniadtong Agosto 2, 2026 padulong France agi sa Hong Kong. Nahitabo ang iyang pagbiya pipila ka adlaw human ipahibalo sa Office of the Ombudsman ang preliminary investigation kabahin sa mga solar energy project,apan taliwala sa mga alegasyon, gipadayon gihapon ang pag-biyahe nga molungtad hangtod Oktubre 9, 2026.
Gipadayag sa iyang kampo nga pulos alang ra sa pagtambal sa usa ka seryosong sakit sa baga ang maong pagbiyahe ni Legarda ug dili tungod sa paglikay sa imbestigasyon.
Dungag pa ni Atty. Viña nga wala ginatan-aw sa iyang kliyente nga kabahin sa bisan unsang pressure o intimidation ang kaso nga giatubang nila sa iyang anak nga si Batangas Representative Leandro Leviste.
Wala pa napagula og saktong impormasyon kabahin sa iyang pagbalik ayha ipahigayon ang botasyon sa conviction sa Bise Presidente.
Gilauman sa iyang kampo nga makabalik ang senador sa dili pa matapos ang proseso nga posibleng moabot pa sa Nobyembre o Disyembre.
