DAVAO CITY – Andam sumala pa nga atubangon sa pamunoan ni Pastor Apollo Quiboloy ang gikanayong kaso nga naunang giduso sa Federal Bureau of Investigation (FBI) sa California nga maoy hinungdan nga gilusad ang pagronda sa otoridad sa ilang simbahan sa nahisgutan nga lugar.
Sa written statement nga gipabasa ni Atty. Israelito Torreon, ang tigpamaba ni Pastor Quiboloy, gikanayon niini nga andam ang pamunoan sa Kingdom of Jesus Christ the name above every name nga atubangon ang reklamo nga giduso sa FBI ngadto sa mga administrator sa ilang simbahan sa California.
Tataw sumala pa nga usa lamang ka bakak ang reklamo batok sa pipila ka mga sakop sa ilang simbahan nga giduso sa gikanayong mga kanhi nila nga miyembro nga buot lamang dauton si Pastor Quiboloy.
Una ng gi-akusahan sa FBI ang mga church leaders niini nga nagapahigayon og peke nga mga kasal aron lamang magpabilin sa Estados Unidos ang mga sumusunod niini ug manarbaho aron punduhan ang sobra-sobra nga lifestyles sa pastor.
Una ng naila ang mga dinakpan nga sila si Guia Cabactulan, 59, top church official sa estados unidos kinsa maoy direktang naga-mentina sa komuniskasyon tali sa leadership sa Pilipinas; Marissa Duenas, 41 anyos, kinsa mao sumala pa ang naggunit sa fraudulent immigration documents sa mga church workers ug maoy mo-secure gilayon sa mga passports human makasulod ang mga workers sa U.S.; Amanda Estopare, 48 anyos, kinsa naggunit sumala pa sa financial aspects sa church enterprise, lakip na ang pagpatuman og fundraising quotas sa mga workers.
Usa sa gidusong reklamo mao ang pagpadala sumala pa sa ilang mga workers sa nagkadaiyang bahin sa amerika aron nga manglimos.
Pahayag ni Atty. Israelito Torreon, tigpamaba ni Pastor Apollo Quiboloy, sa kingdom of Jesus Christ the Name above every name.
