Malampusong miagi sa operasyon si Pope Leo XIV aron tangtangon ang ubos nga bahin sa iyang tuo nga baga, sumala sa Vatican.
Gihimo ang operasyon sa Agostino Gemelli Hospital sa Rome, Italy, kaniadtong Martes, Oktubre 13,2026 human madiskobrehan ang bukol sa iyang baga.
Base sa medical update sa Vatican, nahuman ang operasyon nga walay komplikasyon. Nakabawi usab sa panimuot ang Santo Papa sama sa gipaabot ug gibalik sa iyang kuwarto aron mopahulay.
Gilauman nga magpabilin sa ospital sulod sa kapin usa ka semana ang 71-anyos nga pontiff samtang nagpaayo gikan sa operasyon.
Sa pagkakaron, wala pa magpagawas ang Vatican og dugang detalye kabahin sa sunod nga lakang sa iyang pagtambal.
Kahinumdoman nga napili si Pope Leo XIV isip pangulo sa Simbahang Katolika kaniadtong Mayo 2025.
