DAVAO CITY – Gipaslak karon sa presohan sa Bunawan PNP ang usa ka 50 anyos nga babaye human nadakpan sa buybust operation sa mga operatiba sa pagpanguna ni PMaj. Noel Villahermosa, hepe sa Sta. Ana PNP.
Gikanayong pasado alas dos kagahapon sa hapon gipahigayon ang operasyon sulod sa karaang mall sa Bajada ning dakbayan.
Una ng naila ang dinakpan nga usa ka Linda Garan Ledres alias “Maymay” 50 anyos, residente sa Tagum City, diin nakuhaan kini og 16 ka mga pakete sa shabu nga gibanabanaan nga mukabat sa P1.2million kon 75 grams.
Dugay na nga gipanid-an sa kapulisan ang suspek ayha gilusad ang operasyon batok kaniya.
Gikustodiya karon sa kapulisan ang mga nakumpiskang ginadili nga druga nga maoy gamiton nga ebidensiya sa iduso nga kaso.
Nagpabilin karon sa kustodiya sa Sta. Ana PNP ang maong dinakpan.
