Giabli na sa Land Transportation Franchising and Regulatory Board o LTFRB XI ang temporary fare matrix aron ma-access, ma-save ug ma-print kini sa mga commuter ug transport operators sa Davao Region.
Naglangkob ang maong temporary fare matrix sa mga pamasahe alang sa traditional ug modernized jeepneys, taxis, buses, UV Express ug Transport Network Vehicle Services o TNVS. Ma-download kini pinaagi sa opisyal nga website sa LTFRB o sa Google Drive folder nga gipang-share sa ahensya.
Samtang, naghulat pa ang publiko sa pinal ug pirmadong kopya sa opisyal nga fare guidelines, nga maglakip sa kompleto ug opisyal nga detalye sa bag-ong pamasahe.
Dugang pa, magpagawas ang LTFRB XI og laing pahibalo kabahin sa iskedyul sa pag-release sa maong pirmadong dokumento.
Sa kasamtangan, gitambagan ang mga commuter ug transport operators nga gamiton ang temporary fare matrix isip pakisayran ug maghulat sa opisyal nga pahibalo sa LTFRB XI alang sa pinal nga pamasahe.
