DAVAO CITY – Gibutyag ni City Transport and Traffic Management Office (CTTMO) head Dionesio Abude nga anaa sa 95.9 percent o 47 gikan sa 49 ka mga obstruction sa kadalanan sa siyudad ang nalimpiyohan kini subay sa kamandoan sa Department of Interior and Local Government Unit (DILG) nga kinahanglan ang limpiyohan sa matag Local Government Units (LGUs) aron nga magamit kini sa katawhan ug dili sa mga naninda o pataka na lamang ug parada sa mga sakyanan.
Sumala pa kang Abude nga gipahimangnoan na sab nila ang mga Barangay diin nahimutang ang mga badlungon nga mga sidewalk vendors nga kinahanglan imentina o imonitor niini ang mga lugar nga una ng gilimpiyohan ug angayan nga siguruhon nga dili na mobalik ang mga naninda sa mga kadalanan nga mohatud lamang ug disturbo.
Samtang una na sab nga nasayran kang DILG regional director Alex Roldan, nga anaa sa 10 ka mga LGUs ang ilang na-isyuhan ug show cause order gumikan kay wala gipatuman ang pagpanglimpiyo sa kadalanan.
Samtang sa mosunod nga bulan, subli na sab sila nga magpahigayon ug assessment aron nga masayran kung namentina ba sa matag LGUs ang paglimpiyo sa mga sidewalks.
