Misaka og 46% ang mga kaso sa leptospirosis sa tibuok nasud karong tuiga, samtang mikunhod og 30% ang dengue, base sa datos sa Department of Health o DOH hangtod Septiyembre 23, 2026.
Nakaabot sa 11,965 ang kaso sa leptospirosis, mas taas kumpara sa 8,189 nga natala sa samang panahon niadtong miaging tuig.
Hinuon, mikunhod sa 168,060 ang dengue cases karong tuiga, nga 30% nga mas ubos kumpara sa parehas nga panahon.
Adunay usab rekord ang cumulative case fatality rate sa dengue nga 5.08%, mas ubos kumpara sa 10.53% nga natala kaniadtong 2025.
Giandam sa DOH ang igo nga suplay sa mga tambal alang sa mga pasyenteng adunay leptospirosis aron matubag ang panginahanglan sa nagkadaiyang bahin sa Pilipinas.
Giapod-apod na usab ang mga tambal sa nagkadaiyang lugar sa wala pa magsugod ang ting-ulan isip pagpangandam sa posibleng pagsaka sa mga kaso.
Pahinumdoman sa DOH ngadto sa publiko nga mokonsulta dayon sa doktor kung makasinati og taas nga hilanat ug grabeng kasakit sa lawas, ilabina human milusong o na-expose sa baha.
Kinahanglang magpabiling limpyo ang palibot aron makatabang sa paglikay sa pagkaylap sa leptospirosis ug uban pang sakit.
