DAVAO CITY – Magpahigayon sumala pa ang City Risk Reduction Management Office (CDRMMO) ug “walk the creek” survey aron nga masubay ang mga hinungdan sa pagbaha sa La Verna Hills Subdivision Buhangin.
Sumala pa kang CDDRMO head Alfredo Baloran ang maong survey maoy inisyal nga lakang sa ilang buhatan isip kabahin sa mga sumbanan aron nga mahatagan ug kasulbaran ang mga pagbaha nga mahitabo sa siyudad nga sagad maggikan sa drainage system.
Himuon ang walk the creek karong adlawa uban ang mga ahensiya sa Department of Public Works and Highways (DPWH), Community Environment and Natural Resources Office (Cenro), City Engineer`s Office (CEO), ug barangay officials sa nahisgutan nga area.
Nasayran nga ang La Verna usa ka flood-prone area, nga maoy sagad hinungda nga ma-stranded ang mga sakyanan ilabi na kung mobundak ang kusog nga ulan.
Gawas sa La Verna, gikanayon sab sa CDDRMO nga magpahigayon sila ug mga inspeksiyon sa uban pang mga flood- prone streets sa dakbayan partikular na sa NCCC Mall VP area sa J.P. Laurel Avenue.
