DAVAO CITY – Nakauli na ang 33 ka mga pasahero nga sakay sa Philtranco bus nga gikan sa Manila, human nga nakompleto na nila ang 14 day quarantine period diin wala’y nakita nga senyales ug sintomas sa mga nahisgutan sa coronavirus disease (Covid-19).
Kahinumduman nga una ng miabot ang bus sa borders sa Pasian Monkayo, Davao de Oro kaniadtong Marso 21 apan wala kini gitugtan nga makasulod tungod sa gipatuman nga region-wide community quarantine nga gipatuman sa Davao region sukad Marso 19 aron malimitahan ang pagsulod sa mga tawo nga gikan sa gawas sa rehiyon.
Kahinumduman nga sakay sa Philtranco bus ang 33 pasahero lakip na ang usa ka tuig nga bata nga miabot sa Davao region duruha ka adlaw human nga gipatuman ang quarantine.
Naalarma ang publiko sanglit ang nahisgutan nga sakyanan ang gikan sa Manila diin nahitabo ang unang local transmission sa virus.
Kahinumduman nga inay pabalikon sa sila sa lugar diin sila naggikan, temporaryo na lamang gipahiluna ang mga nahisgutan sa pasilidad nga gipanag-iyahan sa Provincial Local Government (PLGU) sa Davao de Oro ug Lamdag Agri-Eco Tourism Farm duol sa checkpoint.
