RD sa DOLE-III, gisuspendi sa bag-ong lingkod nga Acting DOLE Sec. Tolentino tungod sa pagkahugno sa building sa Pampanga

Gipailawom sa usa ka bulan nga suspensyon si Region 3 Department of Labor and Employment (DOLE) Director Geraldine Panlilio, kini human sa direktiba sa bag-ong DOLE Secretary nga si Francis Tolentino, human sa insidente sa pagkahugno sa usa ka establisemento sa Barangay Balibago, Angeles City, Pampanga niadtong Mayo 24.

Ang insidente nakaapekto usab sa kasikbit nga hotel ug usa ka balay.

Atol sa maong panghitabo, adunay upat na ang nahaw-as nga patay nga lawas, samtang nagpadayon ang gipahigayon nga search and retrieval operation.