Gilimod ni Commission on Elections (Comelec) Chairman George Erwin Garcia ang posibilidad sa usa ka “no-election” scenario sa 2028 nga kuno magpalugway sa termino ni Pang. Ferdinand Marcos Jr.
Gihimo ni Garcia ang maong pahayag isip tubag kang Senadora Imee Marcos kabahin sa posibilidad nga walay eleksyon sa 2028.
Sumala sa Comelec chief, imposible kini mahitabo tungod kay klaro nga gimando sa Konstitusyon ang pagpahigayon sa eleksyon.
Dugang pa niya, gisugdan na sa Comelec ang pagpangandam alang sa presidential elections bisan duha pa ka tuig sa dili pa kini ipahigayon.
Lakip sa ilang gihisgutan mao ang automation sa eleksyon, pag-abri pag-usab sa voter registration, ug paghimo sa mga rules ug guidelines alang sa eleksyon.
Una nang gilimod ni Pang. Pang. Marcos ang isyu sa “no-election scenario,” samtang gitawag kini sa Malacañang nga usa ka “diversionary tactic.”
