Nakaabot sa nagkadaiyang finals ang mag-utod nga sila Carlos ug Karl Eldrew Yulo sa men’s artistic gymnastics sa 20th Asian Games sa Nagoya, Japan.
Sa indibidwal nga all-around, mitapos si Carlos sa ikasiyam nga pwesto samtang ikapito si Eldrew human makompleto ang qualification round.
Tungod niini, wala sila makasulod sa all-around finals. Sa apparatus finals, nanguna si Carlos sa floor exercise human makakuha og 14.600 puntos.
Nakalusot usab siya sa vault diin ika-pito siya ug sa parallel bars nga ikaunom.
Si Eldrew, nga debutante sa Asiad ug 18-anyos pa, nakasulod sa floor exercise finals human makakuha og 13.966 puntos ug ika-upat sa qualification.
Nakakuha usab siya og puwesto sa horizontal bar finals.
Samtang, magkauban ang duha sa Philippine team nga moapil sa team event finals uban nila Miguel Besana, Justine Ace de Leon ug Zach Nuñez.
Pokus ni Carlos ang iyang atensyon sa daghang apparatus finals, samtang si Eldrew mag-atubang sa unang dagkong medal opportunity sa iyang Asian Games debut.
Gikatakdang idula ang floor exercise finals sa Huwebes, samtang ang vault, parallel bars ug horizontal bar finals anaa sa Biyernes. | VIA BOMBO EROS PAJOTA
