Nanawagan si US President Donald Trump kang Ukrainian President Volodymyr Zelensky nga hunongon ang pag-atake sa Russian diesel infrastructure tungod sa giingong epekto niini sa global fuel supply ug pagsaka sa presyo sa diesel.
Sumala pa ni Trump, daghan pang ubang military targets nga mahimong puntiryahon sa Ukraine ug dili kinahanglan apilon ang mga pasilidad nga naga prodroduce og diesel sa Russia.
Ang iyang pahayag misunod sa long-range drone attacks sa Ukraine batok sa Russian oil refineries, nga nakapamenos sa fuel production ug nakahatag og shortages sulod sa Russia.
Apan gipabilin sa Ukraine nga lehitimong military targets ang mga refinery tungod kay gigamit ang kita gikan sa energy sector sa pagpondo ug pagsuporta sa war effort sa Moscow.
Sa Estados Unidos, misaka na sa kapin unom ka dolyar matag gallon ang average diesel price, samtang padayon ang pressure sa global fuel market.
Gipaubos usab sa Russia ang forecast niini sa oil production karong tuiga ngadto sa labing ubos nga lebel sulod sa 17 ka tuig.
Sa pagkakaron, wala pa nagpahibalo ang Ukraine kung usbon niini ang kampanya batok sa Russian energy infrastructure human sa panawagan ni Trump.
