Gikumpirma sa transport group nga MANIBELA ang duha ka adlaw nga transport strike kon “tigil-pasada” aron ipadayag ang ilang pagsupak sa padayon nga pagsaka sa presyo sa produktong petrolyo sa Pilipinas.
Sumala ni MANIBELA President Mar Valbuena, ipahigayon ang strike isip porma sa pagprotesta batok sa epekto sa mahal nga presyo sa gasolina ug diesel nga nakaapekto sa panginabuhian sa mga drayber.
Dugang ba, gikwestiyon ni Valbuena ang kahimtang sa fuel subsidy sa gobyerno, nga sumala kaniya, dili igo ang tabang tungod kay adunay gihapon bayranan ang mga benepisyaryo ngadto sa mga gasolinahan.
Nangutana usab ang lider kung unsa ang papel sa Department of Energy sa pagsulbad sa padayon nga pagtaas sa presyo sa produktong petrolyo.
Sa pagka karun,nanghinaut ang MANIBELA nga musalmot ang ubang transport groups sa ilang kalihokan aron mapadungog ang ilang panawagan ngadto sa gobyerno. Gipasalig usab nila nga dili sila mo undang sa pag padayag sa mga kabalaka sa transport sector.
