Gihagit sa prosecution panel ug ni House prosecutor ug Bicol Saro Party-list Representative Terry Ridon si Vice President Sara Duterte nga personal nga motambong sa Senate impeachment trial karong adlawa, Septyembre 14, 2026 samtang sugdan ang pagpresentar sa ebidensya alang sa Article II bahin sa giingong unexplained wealth.
Sumala pa ni Ridon, importante nga moatubang ang bise presidente samtang ilatag sa House prosecution ang mga dokumento ug testimonya nga may kalabotan sa giingong bahandi sa pamilya Duterte nga dili matugma sa ilang lawful income.
Dugang pa niini, kapin 1,800 ka financial documents ang giandam sa prosecution, lakip ang bank records, tax documents ug uban pang records nga may kalabotan sa financial interests sa pamilya.
Lauman usab nga ipresentar ang pipila ka resource persons aron motabang sa pag-authenticate ug pagpasabot sa mga dokumento nga gamiton sa Article II.
Matud pa ni Ridon, wala pa personal nga mitambong si Duterte sa impeachment proceedings bisan kapin tulo ka bulan na ang trial ug 23 na ka hearing dates ang nahimo.
Sa pagkakaron, ipadayon sa prosecution ang paglatid sa ebidensya samtang ilang gipangayo nga personal nga moatubang ang bise presidente sa Senate Impeachment Court aron tubagon ang mga alegasyon.
