Gibasura sa Quezon City Regional Trial Court Branch 98 ang hangyo sa kampo ni Vice President Sara Duterte nga ipa-inhibit o tanggalon si Presiding Judge Maria Angelica De Ramos sa paghupot sa maong kaso.
Gikumpirma sa kampo sa Bise Presidente nga nadawat na nila ang order sa korte nga nag-deny sa ilang motion for inhibition batok kang Judge De Ramos.
Matud ni Atty. Paul Lim, abogado ni Vice President Sara, ilang gamiton ang tanang legal remedy human sa pagbasura sa ilang hangyo.
Nagpasabot kini nga magpabilin si Judge De Ramos isip presiding judge sa maong kaso, gawas kung adunay laing legal nga aksyon nga mahimong makaapekto sa iyang pagdumala niini.
Gipahinumdoman usab sa korte ang duha ka partido nga hugot nga mosunod sa sub judice rule ug likayan ang paghisgot sa publiko bahin sa merit sa kaso samtang kini nagpadayon.
