Gipasakaan sa Office of the Ombudsman og siyam ka kaso sa graft sa Sandiganbayan si Tarlac 3rd District Rep. Noel “Bong” Rivera karong Biyernes, Agosto 7.
Gikumpirma ni Ombudsman Jesus Crispin “Boying” Remulla nga ang mga kaso may kalabotan sa giingong conflict of interest sa mga flood control ug infrastructure projects sa Tarlac.
Sumala pa sa imbestigasyon sa United Pilipino Against Crime and Corruption (UPACC), si Rivera ug ang iyang asawa nga si Tarlac Vice Mayor Evelyn Rivera giingong tag-iya sa Tarlac 3G Construction & Development Corporation, nga nakadawat og mga kontrata sa gobyerno alang sa mga flood control projects nga mikabat og kapin P600 milyon.
Sa kasamtangan, ang siyam ka kaso pormal nang napasaka sa Sandiganbayan ug na-raffle na ngadto sa unom ka dibisyon sa anti-graft court alang sa pagdungog.
