Nanawagan si US President Donald Trump sa mga nasud nga miyembro sa International Criminal Court o ICC nga mobiya sa maong korte.
Panawagan kini sa Presidente atol sa iyang pakigpulong sa 81st United Nations General Assembly sa New York kaniadtong Martes, Septiyembre 22, 2026.
Gipasiugda niini nga dili tugotan sa Estados Unidos nga maimbestigahan o mahukman sa ICC ang mga sundalong Amerikano.
Gitawag usab ni Trump ang ICC nga usa ka “out of control” nga institusyon ug “evil group of people.”
Kahinumdoman, dugay nang kritikal ang administrasyong Trump sa ICC. Kaniadtong Hulyo, nanawagan usab si US Secretary of State Marco Rubio sa ubang mga nasud nga moatras sa maong tribunal.
Ang ICC nga nakabase sa The Hague, Netherlands, adunay mandato sa pagtaral sa mga indibidwal nga giakusahan sa genocide, crimes against humanity, ug war crimes apan gibarugan gihapon sa Estados Unidos nga dili sila miyembro niini ug wala nila ratipikahi ang Rome Statute.
