Nagpahayag si Ukrainian President Volodymyr Zelensky og kaandam sa pagsalmot sa trilateral meeting uban kang Russian President Vladimir Putin ug US President Donald Trump aron hisgutan ang pagtapos sa gubat sa Ukraine.
Andam matud pa si Zelensky sa bisan unsang orasa ug gusto niya nga mapahigayon dayon ang maong panagtigom.
Kahinumdoman usab nga mitambong si Zelensky sa United Nations General Assembly sa New York, diin nakigkita siya kang Trump.
Sumala niya, malampuson ang ilang panagkita ug pareho silang nagtinguha ceasefire.
Hangyo usab ni Zelensky kay Trump nga hatagan og lisensya ang Ukraine aron makahimo og Patriot missiles.
Samtang, gibutyag ni US President Donald Trump nga maayo ang panag-istoryahanay sa pipila ka miyembro sa iyang administrasyon ug mga delegado sa Iran atol sa United Nations General Assembly.
Milungtad og hangtod tulo ka oras ang maong pakig-pulong ug gihulagway kini niya nga maayong meeting.
Dugang pa ni Trump, adunay duha ka kapilian ang Iran nga mosugot sa peace deal o mag-atubang sa mas grabeng kapa-ingnan sa ilang nasud.
Balik-balik nga mipahimangno ang US President nga kung dili motubag ang Iran sa peace deal ug magpadayon sa pag-atake sa mga barkong moagi sa Strait of Hormuz, mahimong maglusad ang Estados Unidos og mas lapad nga pag-atake.
