Mag-caucus karong Lunes,Septyembre 21, 2026 ang mga senator-judge aron hisgutan ang voting threshold nga gamiton sa paghukom sa impeachment case ni Vice President Sara Duterte.
Gikwestiyon ni Senator-Judge JV Ejercito kung kinahanglan bang ipaboto sa tibuok impeachment court ang maong isyu o mahimong husayon pinaagi sa consensus. Sumala niya, kinahanglan pa niyang tun-an ang mga opinyon sa mga amici curiae ayha mohimo og pormal nga baruganan.
Nagpasidaan usan si Senator-Judge Panfilo “Ping” Lacson nga dili angay dalion ang desisyon ug posible nga dili dayon mahitabo ang botohan sa Miyerkules, Setyembre 23, 2026 kon mangayo pa og panahon ang ubang senator-judge aron masusi ang oral arguments.
Kasamtangang ginahulat ang oral arguments sa prosecution ug defense bahin sa 16-vote threshold nga gikinahanglan alang sa conviction.
Samtang, wala pa mohatag og pahayag si Senate Presiding Officer Francis “Chiz” Escudero aron dili pangunahan ang resulta sa caucus.
Upat ka senator-judge ang dili aktibong makaapil sa proceedings tungod sa lain-laing kahimtang, busa padayon ang diskusyon kung unsa nga basehan ang gamiton sa pagkwenta sa two-thirds vote.
Matino sa caucus ang sunod nga lakang sa impeachment court sa dili pa ang pormal nga paghusay sa voting threshold.
