DAVAO CITY – Padayon karon ang pahimangno sa ahensiya sa Social Security System (SSS) ngadto sa mga balay pamatigayon nga kinahanglan i-remit niini ang kontribusyon sa ilang mga empleyado arun nga dili kini mapahamtangan ug silot.
Kahinumduman nga girumbo sa mga personahe sa SSS ang pipila ka mga delinquent employer sa Toril ning siyudad kansa pakyas sa pag-remit sa kontribusiyon sa ilang mga empleyado.
Pipila ka mga establisyemento sa Toril ang girumbo pinaagi sa gipatuman nga Run After Contribution Evaders (RACE) nga gilangkuban sa electrical supply store sa Lizada Toril ning dakbayan, usa ka international company nga nahimutang sa Saavedra St. sa Toril nga nagdumala ug plantasyon sa Tuba-tuba; usa ka Salon nga nahimutang sa Toril Poblacion; nag-operate nga call center company ug ang construction firm nga nahimutang sa Dumoy.
Gihatagan lamang ang mga nahisgutan ug 15 ka adlaw arun nga atimanon ang mga rekisitos nga gikinahanglan arun nga dili mapahamtangan ug silo tang nahisgutan nga kompanya.
Gipasalig sa SSS nga padayon nila nga imonitor kadtong mga delinquent nga mga employer nga wala naga-remit ug kontribusyon sa ilang mga empleyado.
