Gipadayag sa Iran state television nga nakadawat ang Tehran og draft sa usa ka unang memorandum of understanding (MoU) kauban ang Estados Unidos kalabot sa posibleng paghuman sa nagpadayon nga tensyon tali sa duha ka nasod.
Sumala sa report, nakasaad sa maong draft framework nga ibalik sa Iran ang normal o pre-war levels sa commercial shipping sa Strait of Hormuz sulod sa usa ka bulan. Lakip sa kasabutan, kuhaon usab sa Estados Unidos ang ilang mga puwersang militar nga nagpalibot sa Iran ug undangon ang naval blockade.
Dugang pa niini, gipatin-aw sa Iran state TV nga wala pa kini pinal ug dili pa kini molihok ang Tehran hangtod wala pay “tangible verification” o klarong garantiya sa pagpatuman sa mga kondisyon sa maong kasabutan.
Lakip sa draft nga kasabutan nga gisaysay, wala’y apil ang mga military vessel sa regulasyon, samtang ang pagdumala sa pag-agi sa mga barko sa Strait of Hormuz itugyan sa Iran kauban ang Oman.
Sa pagkakaron, gisugyot usab nga kung mahuman sulod sa 60 ka adlaw, mahimo kining maaprubahan isip binding resolution sa United Nations Security Council.
Sa kasamtangan, gitawag nga gikan kini sa indirect talks tali sa US ug Iran nga gisugdan human sa pagsiklab sa panagbangi niadtong Pebrero, diin ang Pakistan maoy nagsilbi isip tigpataliwala sa negosasyon alang sa posibleng ceasefire.
