DAVAO CITY – Gipasabot sa pamunoan sa Southern Philippines Medical Center (SPMC) nga magpadayon pa gihapon ang ilang uban nga serbisyo sa balay tambalanan ug i-accommodate pa gihapon nila ang mga pasyente nga adunay seryoso nga kondisyon.
Tipik lamang kini human nga temporaryo karon nga gisuspende sa ospital ang ilang operasyon sa Out Patient Department (OPD).
Sumala pa kang Dr. Leopoldo Vega, medical chief sa SPMC, nga gisuspende una nila ang OPD kini aron maminusan ang mga tawo nga modagsa ug malikayan ang pagsaka sa kaso sa Corona Virus Disease (Covid-19) dinhi sa dakbayan.
Makatabang sab sumala pa ang maong lakang aron nga mas mahatagan nila ug pagtagad ang kaso sa Covid-19.
Gitambagan na lamang sa nahisgutan kadtong mga buot lamang nga magpa-check nga moadto na lamang sa mga pribadong hospital nga abli ang nahisgutan nga serbisyo.
