Nagduso si National Bureau of Investigation (NBI) Director Melvin Matibag og ethics complaint batok kang Cong. Kiko Barzaga may kalabotan sa mga gipatik niini sa social media kabahin sa insidente sa pagpamusil sulod sa Senado.
Sa iyang mga post, giakusahan ni Barzaga ang NBI nga nalambigit sa usa ka giingong “assassination” o pagpatay.
Matud pa ni Matibag, ang maong mga pahayag mahimong paglapas sa Article 154 sa Revised Penal Code, nga naghisgot sa unlawful use of means of publication and unlawful utterances o ang ilegal nga paggamit sa mga paagi sa publikasyon ug pagmantala sa mga dili matarong nga pahayag.
Sumala sa NBI, ang mga alegasyon ni Barzaga walay igo nga basihan ug posibleng makapahisalaag sa publiko pinaagi sa pagpakaylap og dili beripikadong impormasyon.
Wala pa’y opisyal nga pahayag gikan sa kampo ni Barzaga kabahin sa ethics complaint nga gisang-at batok kaniya.
Samtang nagpadayon pa ang imbestigasyon, gilauman nga matuki sa tukmang proseso ang mga alegasyon sa duha ka bahin.
