Gibarugan ni Senador Rodante Marcoleta nga mahimo gihapon niyang huptan ang iyang responsibilidad isip senator-judge sa impeachment court bisan pa sa iyang pagkakadetine sa New Quezon City Jail.
Sa iyang sulat ngadto kang Senate President Win Gatchalian ug presiding officer Chiz Escudero, mipasa si Marcoleta og duha ka manifestation. Lakip niini ang iyang pagsupak sa pagkatudlo kang Escudero isip presiding officer ug ang iyang pagsuporta nga magpabilin ang 16-vote requirement alang sa conviction sa impeachment trial.
Matod ni Marcoleta, walay legal nga nakababag sa iyang kapasidad nga mobotar isip senator-judge tungod kay wala siya gipailalom sa preventive suspension. Gikanayon niyang mahimo usab siyang mopasa og manifestations samtang nagpadayon ang impeachment proceedings.
Kasamtangang detained si Marcoleta tungod sa kasong plunder nga may kalabotan sa mga donasyon nga nadawat sa wala pa ang 2022 elections.
Samtang, padayon nga gihisgutan sa Impeachment Court ang voting threshold human gipangutana ni Senador Erwin Tulfo ang posibilidad sa “acquittal by default” kung mokunhod ang gidaghanon sa mga senator-judge nga makabotar.
Giimbitar usab sa korte ang upat ka retired Supreme Court justices isip amici curiae aron maghatag og expert opinion sa maong isyu.
