Gisumite na sa Philippine General Hospital ngadto sa Sandiganbayan ang medical examination report ni kanhi House Speaker Martin Romualdez, nga maoy basihan kung magpabilin ba siya sa ospital o ibalhin sa New Quezon City Jail.
Gipaabot nga moatubang karong adlawa si PGH Director Dr. Gerardo Legaspi o iyang representante aron ipresentar ang resulta sa independent medical examination ug ipatin-aw kung kinahanglan pa bang ipadayon ang confinement ni Romualdez.
Sumala sa Bureau of Jail Management and Penology o BJMP, andam silang ibalhin si Romualdez sa Quezon City Jail kung ideklarar siyang fit for transfer ug adunay mando gikan sa Sandiganbayan.
Kung magpabilin siya sa PGH, padayon siyang bantayan sa BJMP sulod ug gawas sa iyang private room ug sa palibot sa ospital.
Matud pa ni BJMP spokesperson Jail Superintendent Rex Bustinera, wala silang namonitor nga hulga batok kang Romualdez sukad siya mapasailalom sa ilang kustodiya.
Si Romualdez nag-atubang og nonbailable nga ₱7.4-bilyong plunder case nga gisang-at sa Office of the Ombudsman may kalabotan sa giingong kickback scheme sa flood-control projects uban sa tulo pa ka akusado.
Nakatakda usab ang iyang arraignment ug pre-trial karong adlawa sa Sandiganbayan.
