Gikansela ang pre-trial ni Senador Rodante Marcoleta sa Sandiganbayan Third Division karong Lunes, Agosto 10,2026 tungod sa dili maayong kahimtang sa panahon, subay sa kumpirmasyon ni anti-graft court division clerk of court Dennis Pulma. Ibalhin ang pretrial sa Biyernes, Agosto 14,2026 tungod sa maong kanselasyon.
Gidumala sa maong division ang kasong plunder batok kang Marcoleta ug sa iyang mga ka-akusado nga sila si kanhing Anakalusugan Party-list Rep. Mike Defensor ug mga negosyanteng sila Joseph Espiritu ug Aristotle Viray, nga adunay kalabotan sa giingong wala maideklarang ₱75 milyong campaign donations ngadto kang Marcoleta.
Naglangkob ang pretrial sa pagmarka sa mga ebidensya ug stipulation of facts sa kaso sa dili pa magsugod ang mismong pagtaral sa senador.
Una nang mipasa og not guilty plea si Marcoleta ug ang tulo pa niyang ka-akusado sa kasong plunder atol sa pagbasa sa mga akusasyon batok kanila
Nagsumite usab og not guilty plea si Marcoleta ug Espiritu sa laing kaso nga adunay kalabotan sa paglapas sa Presidential Decree No. 46, nga nagdili sa pagdawat og mga regalo tali sa mga pribadong indibidwal ug mga kawani o opisyal sa gobyerno.
