DAVAO CITY – Gipasalig sa ahensiya sa Population Commission (Popcom) 11 nga magpadayon ang ilang paghatag og serbisyo sa katawhan bisan pa man nga mipatigbabaw karon ang community quarantine gumikan sa pagkuyanap sa Corona Virus (Covid-19).
Una nang gibutyag sa ahensiya nga kinahanglan responsable ang pamilya sa pagplano ilabi na karong panahon sa Community quarantine sanglit dili gayud kalikayan nga maglipay-lipay ang magti-ayon nga maoy hinungdan sa mga un-intended pregnancy.
Hinuon gipasalig sa ahensiya nga andam sumala pa sila nga mohatag og contraceptives sa mga magti-ayon sama sa condom ug pills.
Tahasan sumala pa nila ang ilang mga Barangay Population Volunteers sa pagpanghatag og mga contraceptives sa matag pamilya sulod sa tulo ka bulan.
