Gipahigayon sa Vices Regulation Unit ang usa ka crackdown operation nga miresulta sa pag-isyu og citation tickets sa 86 ka mga indibidwal nga nakalapas sa liquor ban sa Davao City atol sa ilang pag-ronda kagahapong adlawa, Mayo 10, 2026.
Sumala sa report, 67 ang maong naticketan human nasakpan sulod sa usa ka bar nga nahimutang sa Mapa street sa maong dakbayan, lakip na ang establisyemento mismo nga giingong nakalapas sa ordinansa.
Gipangulohan ang maong operasyon ni Ret. LTCOL Jacy jay Francia, Acting Head sa VRU, isip kabahin sa padayon nga kampanya sa pagpatuman sa liquor ban ug pagsiguro sa disiplina sa publiko.
Dugang pa niini, gipahimangnoan sa mga otoridad ang mga establisyemento ug mga indibidwal nga mosunod sa mga ordinansa sa syudad aron malikayan ang susamang paglapas ug dugang nga penalidad sa umaabot.
