Gipaklaro karun sa Philippine Army nga wala sumala pay reservist nga gikan sa ilahang hanay nga ginamugna aron himuong private army, sukwahi sa gikanayon sa PNP nga aduna sumala pay private army ang relgious group nga Kingdom of Jesus Christ (KOJC).
Gibutyag ni Col. Louie Dema-ala ang tigpamaba sa Philippine Army nga wala matud pay reservist ang KOJC sukwahi sa ginapakita sa PNP nga pugsanon kining ginainsister nga adunay kalabutan ang private army sa Angels of Death.
Sumala pa ni Col. Dema-ala nga ang anaa lamang sa ilahang listahan nga nahilakip sa Philippine Army Affiliated Reserve Unit (PAARU) mao ang SMNI lamang.
Dugang pa niini nga kung ang usa ka indibidwal mamahimo nang reservist, dili na matud pa kini angayan nga mukupot ug armas.
Wala sab silay laraw karun nga magpahigayon ug imbestigasyon sa KOJC kabahin sa maong isyu gumikan, wala matud pa kining negatibo nga record ug wala sab sumala pa kini nagdala ug hulga.
Nanawagan sab ang Philippine Army nga dili dayon tuuhan ang mga balita nga nagadaut sa reputasyon sa ilahang buhatan.
Lakip sab nga gipaklaro sa Philippine Army nga ilahang pangtang-tangon sa listahan sa reservist ang si bisan kinsa man nga makasupak ug muabuso niini.
