Gihagit ni Department of the Interior and Local Government Secretary Jonvic Remulla si kanhi presidential spokesman Atty. Harry Roque nga magpakita og dokumento nga magpamatuod nga naaprobahan ang iyang asylum request sa Austria.
Matud pa ni Remulla nga rejected ang asylum request ni Roque, apan miangkon siya nga wala pa siyay pormal nga impormasyon gikan sa Austrian authorities nga mokumpirma sa maong denial.
Si Roque mismo nagkanayon nga wala pay pormal nga denial o approval sa iyang asylum request, busa nagpabilin kini sa “gray zone.”
Gipangayo usab ni Remulla kang Roque ang dokumento nga magpamatuod nga dili siya sakop sa posibleng Red Notice.
Alang sa kalihim, ang human trafficking usa ka internationally recognized crime ug dili angay isipon nga political persecution ang mga kaso nga giatubang ni Roque.
Samtang, mikumpirma si Roque sa iyang online post nga gisalikway sa Dutch Immigration and Naturalisation Service ang iyang unang asylum petition ug apela sa Netherlands.
Na-refer ang iyang kaso sa Austria tungod kay Austrian authorities ang nag-isyu sa iyang Schengen visa.
