DAVAO CITY – Mibiyahe na si Pangulong Rodrigo Duterte kagahapong adlawa alang sa iyang duruha ka adlaw nga pagbisita sa South Korea.
Gikanayong makigkita ang Pangulo sa uban nga mga foreign leaders.
Sumala pa kang Sen. Christopher “Bong” Go, motambong ang Pangulo sa Association of Southeast Asian Nations (Asean) – Republic of Korea (ROK) Commemorative Summit kauban ang mga Asean leaders aron nga hisgutan ang partnership ug ingon man kooperasyon sa mga nasod kauban si South Korean President Moon Jae-in.
Dugang ni Sen. Go nga posibleng adunay bilateral meeting ang Pangulo tali kang Jae-In.
Gikanayong ang biyahe sa Pangulo posibleng magdala usab og potensiyal nga investment dinhi sa nasod.
Una ng gibutyag ni Go nga dili na siya basta-basta makakuyog sa Pangulo gumikan kay okupado siya sa iyang trabaho sa senado.
Mobalik ang Pangulo dinhi sa nasod ugmang adlawa, Nobyembre 26.
