Nakadawat og 580 ka donated wheelchairs gikan sa People’s Republic of China ang Davao City pinaagi sa Consulate General of the People’s Republic of China in Davao City atol sa turnover ceremony nga gihimo karong adlawa, Miyerkules, Mayo 20, 2026.
Sumala pa ni Mayor Sebastian Duterte, nga ang maong donasyon ipang-apod-apod ngadto sa mga Dabawenyong persons with disabilities o PWDs pinaagi sa City Social Welfare and Development Office ug Persons with Disabilities Affairs Office.
Sumala pa sa pamahalaang siyudad, dakong tabang ang maong mga wheelchair alang sa mga PWDs ilabina sa ilang adlaw-adlaw nga paglihok ug pag-atubang sa panginabuhi. Dugang pa niini, gilauman nga pinaagi sa donasyon mas mapalambo ang mobilidad ug kahimtang sa mga benepisyaryo sa nagkalain-laing komunidad sa dakbayan.
Sa pagkakaron, padayon ang koordinasyon sa CSWDO ug PDAO aron masiguro nga mahatag ang mga wheelchair ngadto sa mga kwalipikadong benepisyaryo sa tibuok Davao City.
